Алматылық дәрігерлер сирек кездесетін дертке шалдыққан науқасты аман алып қалды
Алматыда дәрігерлер бассүйек-ми жарақатының сирек асқынуына ұшыраған науқасты аман алып қалды, деп хабарлайды El.kz ақпарат агенттігі.
Денсаулық сақтау ведомствосы таратқан мәліметке сәйкес, Алматы қаласының 43 жастағы тұрғыны бұрын төбелестің салдарынан басынан ауыр жарақат алған. Ауруханадан шыққаннан кейін онда жағымсыз белгілер байқала бастайды.
Сол жақ көзінің көруі нашарлады, пациент сол жақ көз алмасының шығып, қызарғанын байқай бастады. Оған сол жақ құлағында тұрақты пульсациялық шу пайда қосылды. Ер адамның бетіне қарау қорқынышты болды. Жоғарыда сипатталған белгілерге параорбиталдық ісіну және сол жақ көз алмасының ұясынан айқын шығуы байқалды, - делінген министрлік таратқан хабарламада.
Ауыруы күшейген соң пациент қалалық жедел жәрдем ауруханасына жүгінген. Осылайша, миынан сол жақ каротид-кавернозды соус (ККС) анықталған. Бұл жүре пайда болған интракраниалдық тамырлы аномалия. Науқасты көру қабілетінен айыратын және тұрақты бас ауруларына әкелетін ауру. Егер жүре пайда болған тамырлы аномалия (ККС) операция арқылы емделмесе, 90 пайызында бұл мүгедектікке, көру ағзасының функциясынан толық айырылуға әкелуі мүмкін.
Осылайша, пациентке ҚЖЖА нейрохирургиялық бөлімшесі жағдайында операция жасалды.
Бірлескен күш-жігердің арқасында пациенттің көзін сақтап, ауырсынуды жоюға мүмкіндік туды. Операциядан кейін пациенттің көру және окуломоторлық функциялары ішінара қалпына келді, қас пен құлақ аймағындағы шу, экзофтальм, яғни көзі қалпына келді, ең бастысы, төзгісіз ауырсыну басылды. Операция пациентке толыққанды өмірді жалғастыруға мүмкіндік берді, - дейді нейрохирург Максим Арғымбаев.
Қысқа да нұсқа. Жазылыңыз telegram - ға