Алматыдағы құрылыс: урбанистика басқармасының басшысы ұсталды
Алматы қалалық жоспарлау және урбанистика басқармасының басшысы жер учаскелерін беру және объектілердің құрылысын келісу кезінде лауазымдық өкілеттіктерін асыра пайдаланды деген күдікке ілінді, деп хабарлайды El.kzақпарат агенттігі.
Антикор мәліметінше, ол жеке тұрғын үй құрылысына арналған жер учаскелерінде, нысаналы мақсатына қарамастан және құрылыстың тығыздығын ескермей, жекелеген құрылыс компанияларының мүддесі үшін 2020-2023 жылдары 3 көппәтерлі тұрғын үй кешенінің құрылысын заңсыз келіскен.
Оқи отырыңыз:
- Қымыз ішіп, көлік айдаған адам жазалана ма? Заңгер жауап берді
- Қарағандыда сотталған азамат медициналық мекемеден қашып кетті
Нәтижесінде мемлекетке 307 млн теңгеден астам сомаға жер учаскелерінің төленбеген кадастрлық құны түрінде залал келтірілді.
Бұдан басқа, 2020 жылы медициналық орталық пен ХҚКО-ның құрылысын заңсыз келісе отырып (инвестициялық жобаларды іске асыру түрімен), мүдделі тұлғалардың жеке меншігіне жер учаскелерін төмен құны бойынша одан әрі негізсіз беруге ықпал етті. Шығын 180 млн теңгені құрады, - делінген мәліметте.
Соттың санкциясымен күдікті қамауға алынды.
Сотқа дейінгі тергеп-тексеру жалғасуда, басқа лауазымды адамдардың қатыстығы тексерілуде.
Қысқа да нұсқа. Жазылыңыз telegram - ға