Алматыдағы «Алатау» сауда орталығы маңында өрт шықты
Фото: видеодан алынған кадр
Фото: видеодан алынған кадр
15.04.2025 15:50
402
Алматы қаласындағы "Алатау" сауда және ойын-сауық орталығының жанында өрт шықты, деп хабарлайды El.kz ақпарат агенттігі.
Оқиға орнына жақын маңда қою қара түтін аспанға көтерілген сәтті куәгерлер видеоға түсіріп, әлеуметтік желілерде таратты.
Алдын ала мәлімет бойынша, Самғау шағынауданындағы қоймалардың бірі өртенген.
Алматы қалалық Төтенше жағдайлар департаментінің мәлімдеуінше, сағат 14:48-де өрт туралы хабарлама келіп түскен бойда, оқиға орнына жоғары дәрежелі шақырту бойынша өрт сөндірушілер жіберілген.
Өрт сөндіру штабы құрылып, бірнеше учаскеде жалынды ауыздықтау жұмыстары жүргізіліп жатыр, — деп хабарлады Алматы қаласы ТЖД баспасөз қызметі.
Қазіргі уақытта өрттің нақты шығу себебі мен зардап шеккендер туралы ақпарат нақтылануда.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Елордада «Astana Bike» велопрокат маусымы басталды
Келесі жаңалық
Елімізде Al Jazeera медиакорпорациясының қосыны ашылмақ