Алматыда жастар арасында ұлттық спорт түрлері бойынша жеңімпаздар анықталды

Алматыда жастар арасында ұлттық спорт түрлері бойынша өткен жарыстың жеңімпаздар белгілі болды, деп хабарлайды El.kz ақпарат агенттігі.

Алматыдағы сауда-саттық орындарында жұмыс істеп жүрген жастар арасында «Youth nomads» ұлттық спорт түрлерінен жарыс ұйымдастырылды. Жарысқа 40-қа жуық сауда орындарынан 500-ден астам адам қатысты.

2 күн бойы олар «Қазақ күресі», «Арқан тарту», «Қол күрес», «Асық ату» және «Қой көтеру» сияқты спорт түрлерінен бақ сынады.

«Youth nomads» жобасы 2023 жылдан бастап, сауда-саттық орындарында жұмыс істейтін жастарды әлеуметтендіру, сондай-ақ олардың арасында ұлттық спорт түрлері мен салауатты өмір салтын насихаттау мақсатында өткізіліп келеді

Қысқа да нұсқа. Жазылыңыз telegram - ға