Алматыда ұрлық қылмысы бейнебақылау камераларына түсіп қалған
![Алматыда ұрлық қылмысы бейнебақылау камераларына түсіп қалған Алматыда ұрлық қылмысы бейнебақылау камераларына түсіп қалған](/storage/storage/element/2023/10/10/mainphoto/71921/1200xauto_I8lhqeXAAoAlpPEh92U1MNxJ5fs9IaPDbFop8phw.jpg)
Алматыда ұрлық қылмысы бейнебақылау камераларына түсіп қалған, деп хабарлайды El.kz ақпарат агенттігі.
Полиция қызметкерлері жеке мүлікті ұрлады деген күдікпен 32 жастағы азаматты ұстады.
Жедел-іздестіру шаралары барысында 32 жастағы Б.есімді азамат ұсталды. Ол Айнабұлақ шағын ауданында орналасқан пиццерияның қызметтік бөлмесінен IPhone телефонын ұрлады деген күдікке ілінді. Бейнебақылау камералары ұрлықтың нақты хронологиясын анықтады: қаскөй терезеге арқылы басқа біреудің телефонын ұрлап кеткен сәт түсірілген. Күдікті оқиғаға қатысы барын жоққа шығармайды. Бұл дерек ҚР ҚК-нің 188-бабы 3-бөлігі бойынша сотқа дейінгі тергеудің бірыңғай тізіліміне енгізілді, – деді Жетісу аудандық полиция басқармасының бастығы Жәнібек Шынасылов.
Күдікті уақытша ұстау изоляторына қамалды. ҚР ҚК-нің 201-бабына сәйкес өзге ақпарат тергеу мүддесіне орай жария етілмейді.
ҚР Конституциясының 77-бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
![Telegram](https://el.kz./static/site/images/tel26.png)