Алматыда төрт турист тауға шығып, жоғалып кеткен
![Алматыда төрт турист тауға шығып, жоғалып кеткен Алматыда төрт турист тауға шығып, жоғалып кеткен](/storage/storage/element/2023/06/05/mainphoto/53411/1200xauto_j5G4jjH5k5a8nRkZz6IvmsfGGa4XGowNWAp3YEMK.jpg)
Алматыда құтқарушылар адасып кеткен төрт туристке үйлеріне оралуға көмектесті, деп хабарлайды El.kz ақпарат агенттігі.
ТЖМ таратқан мәліметке сәйкес, туристер табылған кезде медициналық көмекке мұқтаж болмаған.
4 маусым сағат 19:05-те ТЖМ Республикалық жедел-құтқару жасағының кезекші-диспетчерлік бөліміне, Медеу ауданындағы тауларда төрт турист жоғалып кетті деген хабарлама келіп түсті. Туристер Көк-Жайлау-Күмбел шыңы бағытымен жүріп, кері қайтар жолда Горельник шатқалына қарай шығып, жолда адасып кеткен. Туристтер телефонмен байланыста болып, геолокациялық деректерін жібере алды. Сағат 20:00-де 6 адамнан тұратын жедел топ, оның ішінде бір кинологиялық есептоп Горельник шатқалына туристерді іздеуге шықты. 22:55-те ТЖМ құтқарушылары зардап шеккендерді тауып алды, - делінген ведомство таратқан хабарламада.
Құтқарушылар серуендеу ережелерін ескертті. Тауға шықпас бұрын бағытты мұқият тексеріп, жалғыз жүрмеуге, жолдастарыңызды таныс емес ортада жалғыз тастамауға кеңес береді.
![Telegram](https://el.kz./static/site/images/tel26.png)