Алматыда сотталған балалар Наурыз мейрамын тойлады
Сотталған балалар Наурыз мерекесін ерекше атап өтті, деп хабарлайды EL.kz ақпарат агенттігі.
Алматы қаласы, Алматы және Жетісу облыстары бойынша қылмыстық-атқару жүйесі департаментіне қарасты №11 мекемесінде кәмелетке толмаған сотталғандар Наурыз мейрамын тойлады.
Мерекеге орай, Жамбыл атындағы жасөпірімдер кітапханасының қызметкерлері мен арнайы қонақ болып келген өнерпаздар темір тордағы жасөспірімдерге ерекше көңіл күй сыйлады. Салтанатты мерекенің өз деңгейінде өтуіне атсалысқан Жамбыл атындағы жасөспірімдер кітапханасының қызметкерлеріне және келген қонақтарға тәрбие бөлімінің бастығы Алма Бәзілбаева зор алғысын білдіріп, мекеме бастығының атынан алғыс айтты.
Іс-шараның соңында жазасын өтеуші жасөспірімдер түскі асқа арнайы дайындалған көжеден дәм татты.
Қысқа да нұсқа. Жазылыңыз telegram - ға