Алматыда сақ жауынгері жерленген қорым табылды

Алматы қаласының Алатау ауданында орналасқан ерте темір дәуірінің авариялық қорғандарында археологиялық қазба жұмыстары кезінде б.з.д. V-II сақ дәуірі жауынгерінің жартылай бұзылмаған қорымы табылды, деп хабарлайды El.kz.

Алматы әкімдігінің ақпаратынша, қабір шұңқырынан алтынмен безендірілген қылыштың сынықтары, киімге арналған аң бейнесіндегі алтыннан жасалған жапсырмалар, сондай-ақ киімге арналған күміс қорытпасынан жасалған бұйымдар табылды.

Жауынгердің сүйектері 3 метрден астам тереңдікте орналасқан ағаш қорапта жатқан.

"Қазба жұмыстары жыл сайын жүргізіледі, бірақ мұндай сәтті олжалар сирек кездеседі. Соңғы рет 2014 жылы киімнің алтын бұйымдары табылған еді", - деді Алматы қаласы мұражайлар бірлестігінің директоры Ләззат Сағындықова.

Аталған мекеме қалалық мәдениет басқармасының тапсырысымен ғылыми-зерттеу жұмыстарын жүргізеді.

Қысқа да нұсқа. Жазылыңыз telegram - ға