Алматыда мотоцикл мен велосипед соқтығысып, екі жүргізуші де қаза тапты
Фото: Видеодан кадр
Фото: Видеодан кадр
03.07.2023 17:10
1111
Алматыда түнде Медеуге апарар жолда мотоцикл мен велосипед соқтығысып, екі адам қаза тапты, деп хабарлайды El.kz ақпарат агенттігі.
Жол апатының видеосы әлеуметтік желіде тарап жатыр.
Алматы қалалық полиция департаментінің мәліметінше, жол-көлік оқиғасы түнгі сағат бір шамасында Медеу ауданында болды.
Мотоцикл мен велосипедтің соқтығысуы салдарынан екі көліктің де жүргізушісі қаза тапты. Аталған факті бойынша Алматы қалалық полиция департаментінің анықтау басқармасы ҚР Қылмыстық кодексінің 345-бабының 4-бөлігі (Абайсызда екі немесе одан да көп адамның өліміне әкеп соққан жол қозғалысы ережелерін бұзу) бойынша сотқа дейінгі тергеу амалдарын бастады. Сараптамалар тағайындалды, - деп түсіндірді қалалық полиция департаментінің баспасөз қызметі.
Бөлісу:
Қысқа да нұсқа. Жазылыңыз telegram - ға