Алматыда алаяқтық жасаған адвокат сотталды
Сыбайлас жемқорлыққа қарсы іс-қимыл агенттігі алаяқтық жасағаны және арандатқаны үшін адвокат сотталғанын мәлімдеді, деп хабарлайды El.kz ақпарат агенттігі.
Алматы қаласы Медеу аудандық сотымен Алматы қалалық адвокаттар алқасының адвокаты Р.Наинбаев және қала тұрғындары Д.Тұяшев, Г.Сәкенова сотталды. Олар бұрынғы балабақша ғимаратын тұрғын үй-жайларға заңдастыру сылтауымен мемлекеттік органдардың лауазымды адамдарына 30 млн теңгеден астам пара беруге қала тұрғындарын алаяқтық жасағаны және арандатқаны үшін кінәлі деп танылды, - делінген мәліметте.
Сот үкімімен Сәкеноваға – 7 жыл, Тұяшевқа – 4 жыл және Наинбаевқа 1 жыл бас бостандығынан айыру жазасы тағайындалды.
Бұдан басқа сотталғандар мемлекеттік қызметте және квазимемлекеттік сектор субъектілерінде қызмет атқару құқығынан өмір бойы айырылады.
Қысқа да нұсқа. Жазылыңыз telegram - ға