Алматы әкімі референдумға жұбайымен бірге келді

Алматы әкімі Ерболат Досаев жалпыұлттық референдумға жұбайымен бірге келіп, дауыс берді, деп хабарлайды El.kz порталы ҚазАқпарат агенттігіне сілтеме жасап.

Сайлау учаскесіне алғашқылардың бірі болып Алматы қаласының басшысы жұбайымен бірге келді. Олар Мәншүк Мәметова атындағы №28 мектеп-лицейде орналасқан №358 референдум учаскесінде дауыс берді.

«Бүгін біздің мемлекетіміз үшін және оның азаматы ретінде мен үшін өте маңызды күн. Бүгін еліміз өзінің болашағын айқындайды. Мен сайлау учаскесіне еліміздің болашағы, мемлекеттің бейбітшілігі мен гүлденуі, Алматы мен қала тұрғындарының бірлік-берекесі үшін дауыс беруге келдім», – деді Ерболат Досаев.

Айта кетейік, бүгін елімізде Қазақстан Республикасының Конституциясына түзетулер бойынша жалпыұлттық референдум өтіп жатыр.

Қысқа да нұсқа. Жазылыңыз telegram - ға