Алматы облысында жас жігіттен есірткінің ірі партиясы тәркіленді
Фото: Polisia.kz
Фото: Polisia.kz
07.12.2024 05:15
734
Алматы облысында 29 жастағы ер адамнан синтетикалық есірткінің ірі партиясы тәркіленді, деп хабарлайды Polisia.kz-ке сілтеме жасап El.kz ақпарат агенттігі.
Алатау қаласында “Учаске” жедел алдын алу іс-шарасы аясында полицейлер жас жігітті ұстады. Күдіктіден тінту кезінде ерекше иісі бар ұнтақ заттың 143 орамы табылды. Зертханалық зерттеулер қорытындысы бойынша тәркіленген заттың жалпы салмағы 156,18 грамм “Alfa-PVP” синтетикалық препараты екені анықталды. Күдікті уақытша ұстау изоляторына қамалды. Тергеу амалдары жалғасуда.
Айта кету керек, 156 грамм тәркіленген заттың жалпы құны 3 миллион 150 мың теңгеге, яғни 314 дозаға тең.
Бөлісу:
Қысқа да нұсқа. Жазылыңыз telegram - ға