Алматы облысында шетелдік азаматтың мәйіті табылды
![Алматы облысында шетелдік азаматтың мәйіті табылды Алматы облысында шетелдік азаматтың мәйіті табылды](/storage/storage/element/2023/08/17/mainphoto/64279/1200xauto_dCmRu9OByybFCzC8mQC1KhzWjH451lkG7x4rYqr1.jpg)
Алматы облысында Өзбекстан азаматының мәйіті табылды, деп хабарлайды El.kz ақпарат агенттігі.
Ішкі істер ведомствосы таратқан мәліметке сүйенсек, 14 тамызда Еңбекшіқазақ ауданы ПБ-ға Қайназар ауылдық округінің аумағындағы ҮАК су арнасынан ер адамның мәйіті табылғаны туралы хабарлама келіп түскен.
Аталған дерек ҚР ҚК-нің 99-бабының 1-бөлігі (Кісі өлтіру) бойынша полицияда тіркеліп, сотқа дейінгі тергеу амалдары басталды. Тергеу іс-шарасы кезінде қаза тапқан адамның жеке басы анықталды, ол Өзбекстан Республикасының 26 жастағы тумасы болып шықты. Жедел-іздестіру іс-шаралары барысында полиция қызметкерлері 1984 жылғы күдіктіні анықтап, ұстады. Ол жауап алу кезінде өз кінәсін толық мойындады, - деді Алматы облысы ПД бастығы Бауыржан Әленов.
Қазіргі уақытта сот-медициналық сараптама тағайындаумен барлық қажетті тергеу шаралары жүргізіліп жатыр. Ұсталған адам заңнамада белгіленген тәртіппен қамауға алынды. Тергеу мүддесі үшін өзге ақпарат жария етуге жатпайды.
![Telegram](https://el.kz./static/site/images/tel26.png)