Алматы облысында 4 жасөспірім тауға шығып, адасып кеткен
Фото: Leonardo.AI
Фото: Leonardo.AI
17.02.2025 10:42
390
Алматы облысы Іле Алатауы тауында «Лесной» асуында Букреев шыңынан түсу кезінде 15-16 жастағы 4 жасөспірім адасып кеткен, деп хабарлайды El.kz ақпарат агенттігі.
Жасөспірімдердің ата-анасы дереу құтқарушылардың көмегіне жүгінді.
ТЖМ «РЖҚЖ» жедел тобы тез арада шақырту орнына аттанды. Құтқарушылар теңіз деңгейінен 3010 метр биіктікте адасып қалған жасөспірімдерді тауып, қажетті көмек көрсетті, – делінген ақпаратта.
Құтқарушылар оларды таудан түсіріп, полиция қызметкерлерінің қатысуымен ата-анасына тапсырды. Ешкім медициналық көмекке мұқтаж болған жоқ.
Бөлісу:
Қысқа да нұсқа. Жазылыңыз telegram - ға