Алматы әуежайының қызметкері Мұса Әбдірайымды қонаққа шақырды
Алматы халықаралық әуежайында кепілге алынған бойжеткен әлеуметтік желідегі жеке парақшасында өзін ажалдан арашалап қалған құтқарушысымен бірге түскен суретін бөлісті, деп хабарлайды El.kz ақпарат агенттігі.
Менің құтқарушым! Екінші рет дүниеге келуіме Мұса ағам себепкер, – деп жазды ол суреттің астына.
Qaz365.kz тілшісі бейбіт күннің батыры Мұса Әбдірайыммен байланысып, оқиға туралы сұрап білді.
Оқиғадан кейін ертесі күні қыздың әкесі маған хабарласып, өміріне қауіп төнген сәтте қызын құтқарғаным үшін шынайы алғысын білдірді. Сондай-ақ, үйіне қонаққа шақырды. Мен де өзім аман алып қалған қыздың жағдайын білуді азаматтық парызым деп санап, шақыруды қабыл алдым. Олар мені өте жылы қарсы алды. Қазір Ботагөздің жағдайы жақсы, кішкентай қызы бар екен, — деді Мұса Әбдірайым.
Қысқа да нұсқа. Жазылыңыз telegram - ға