Алматы әуежайында жасөспірім досының сөмкесінде "бомба" барын хабарлаған
Алматыда әуежайында жасөспірім досының сөмкесінде жарылғыш зат барын хабарлаған. Оның орынсыз бұл қалжыңы әуе рейсін тоқтатып, жолаушыларды эвакуациялауға әкеп соқты, деп хабарлайды El.kz ақпарат агенттігі.
Алматы қалалық терроризмге қарсы күрес жөніндегі жедел штабының мәліметінше, ұшақ жіті тексеріліп, әуежайда ұшуға уақытша шектеулер қойылған.
Осы ретте терроризмге қарсы штаб өкілдері жарылғыш заттар туралы кез келген мәлімдеме, тіпті «әзіл» ретінде айтылса да, әлеуетті қауіп ретінде қарастырылатынын ескертеді. Мұндай әрекеттер үшін Қазақстан Республикасының заңына сәйкес жауапкершілікке тартылуы мүмкін. Сондықтан олар барша азаматтарды саналы болуға, әуежай мен ұшақ бортында қауіп-қатерге, қаруға немесе жарылғыш заттарға қатысты сөздерді айтпауға шақырады.
Қысқа да нұсқа. Жазылыңыз telegram - ға