Алкоголь өнімін шығаратын 3 жасырын цех анықталды
5 тоннадан аса құрамында спирті бар сұйықтық, 6,5 мың бөтелке арақ тәркіленді
ҚМА Түркістан облысы бойынша департаментімен жасанды алкоголь өнімдерін шығаратын цехтардың жолы кесілді, деп хабарлайды El.kz
Жедел-тергеу іс-шаралары барысында бір топ азаматтар Түркістан облысы және Шымкент қаласында орналасқан қойма үй-жайларында жасанды алкоголь өнімін өндіру бойынша 3 жасырын цех жұмыстарын ұйымдастырып, заңсыз өнімді Түркістан облысы аумағында орналасқан сауда орындарына сатқан.
Цехтарда жүргізілген тінту кезінде 5,5 мың дана есепке алу-бақылау маркалары, 5 тоннадан аса құрамында спирті бар сұйықтық, 6,5 мың бөтелке арақ, 24 мыңнан аса заттаңба анықталып, тәркіленді.
Аталған деректер бойынша сотқа дейінгі тергеу амалдары жүргізілуде. ҚР Қылмыстық-процесстік кодексінің 201-бабына сәйкес өзге мәліметтер жария етілмейді.
Қысқа да нұсқа. Жазылыңыз telegram - ға