Жаңалықтар

Алименттен жалтарған әкелердің көлігі сатылады

Фото: © El.kz

Фото: © El.kz 07.03.2024 19:51 705

Астанада алимент төлемей жүргендердің көлігі тәркіленетін болды, деп хабарлайды EL.kz ақпарат агенттігі Әділет министрлігінің баспасөз қызметіне сілтеме жасап.

Министрлік 4-5 наурызда қалалық әділет департаменті жеке сот орындаушылардың өңірлік палатасы және полицейлермен бірлесіп, "Борышкер" рейдтік шарасын жүргізгенін атады.

857 мың 160 теңге, 1 миллион 518 мың 626 теңге, 2 миллион 483 мың 773 теңге, 2 миллион 943 мың 979 теңге көлемінде алимент төлемей жүрген борышкерлердің 4 көлігі тәркіленіп, айыптұраққа қойылды. Жеке сот орындаушылары автокөліктерді бағалап, сатады, - деп жазылған Әділет министрлігі таратқан ақпаратта.

Жақын күндері алимент төлегісі келмейтін әкелердің жеке мүлкін өндіріп алу жұмысы жалғасады.

Бөлісу: