Әлихан Смайылов Иранға ресми сапармен барды
![Әлихан Смайылов Иранға ресми сапармен барды Әлихан Смайылов Иранға ресми сапармен барды](/storage/storage/element/2023/04/26/mainphoto/47495/1200xauto_b360XD37S0w3IaOY5ut2v6p4cX6U6k4BaVwtLa4D.jpg)
Премьер-министр Әлихан Смайылов Иран Ислам Республикасына ресми сапармен барды. Бұл туралы Үкімет басшысының баспасөз қызметіне сілтеме жасай отырып El.kz ақпараттық агенттігі хабарлайды.
Тегеранда Үкімет басшысы Иранның бірінші вице-президенті Мохаммад Мохбермен кездесу өткізеді. Кездесу барысында тараптар екі ел ынтымақтастығының өзекті мәселелерін талқылайды.
Келіссөздер қорытындысы бойынша бірқатар ведомствоаралық және коммерциялық құжатқа қол қойылады деп күтілуде.
Сондай-ақ Әлихан Смайылов Иран президенті Ибрахим Раисимен де кездеседі.
Атап өтетін жайт, премьер-министрдің сапары аясында 24-26 сәуір аралығында Қазақстанның Ирандағы үшінші сауда-экономикалық миссиясы өтуде. Оған тамақ, химия, құрылыс, жеңіл өнеркәсіп және металлургия бойынша 20 отандық тауар өндіруші қатысып жатыр.
![Telegram](https://el.kz./static/site/images/tel26.png)