Әлем чемпионатында Аргентина Хорватия құрамасын жеңді
Фото: news.myseldon.com
Фото: news.myseldon.com
14.12.2022 10:41
1613
Аргентина құрамасы Хорватияны 3:0 есебімен жеңіп, Катарда өтіп жатқан әлем чемпионатының финалына шықты, деп хабарлайды El.kz ақпараттық агенттігі.
Шабуылшы Лионель Месси 34-минутта пенальтиде есеп ашты. Месси үшін бұл гол оның мансабындағы әлем чемпионаттарындағы 11-ші голы болды. Ол Габриэль Батистутаны басып озып, турнирде гол соғу бойынша ұлттық құраманың жаңа рекордын орнатты.
2022 жылғы әлем чемпионатының финалында Аргентина құрамасы сәрсенбі, 14 желтоқсанда өтетін Франция – Марокко кездесуінің жеңімпазымен ойнайды.
Катардағы турнирдің финалы 18 желтоқсанда Лусаил стадионында өтеді. Үшінші орын үшін матч 17 желтоқсанда Халифа Аренада өтеді.
Бөлісу:
Қысқа да нұсқа. Жазылыңыз telegram - ға