Александр Недовесов алғаш рет ATP 250 турнирінің чемпионы атанды
Фото: Қазақстан теннис федерациясы
Фото: Қазақстан теннис федерациясы
23.07.2023 20:48
520
Қазақстанның жұптық сындағы бірінші, әлемнің 53-ракеткасы Александр Недовесов Бастад (Швеция) ATP 250 турнирінің чемпионы атанды, деп хабарлайды El.kz ақпарат агенттігі.
Қазақстандық теннисші эквадорлық Гонсало Эскобармен бірге финалда португалиялық Франсишку Кабраль – бразилиялық Рафаэль Матоспен бас жүлде үшін сынға түсті.
А. Недовесов пен Г. Эскобар екі сетте де 6:2, 6:2 есебімен басымдылық танытты. Олар бір сағаттан астам уақытқа созылған бәсеке барысында 1 эйс жасап, 10 брейк-пойнттың тең жартысын пайдаланды. Қарсыластары 3 эйс, 1 брейкпен (4 брейк-пойнт) шектелді.
Осылайша, А. Недовесов өз спорттық жолында алғаш рет ATP 250 жарысының жеңімпазы болды. Бұған дейін ол төрт мәрте финалға шығып, бәрінде жеңіліс тапқан еді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Колумбияда автобус жардан құлап, 10 адам қаза тапты
Келесі жаңалық
Қазақстан президенті Гурбангулы Бердімұхамедовке алғыс айтты