ӘЧ: Әуесқой футболдан ел құрамасы алғаш рет финалға шықты
Фото: instagram.com/kmff.kz
Фото: instagram.com/kmff.kz
04.11.2023 06:17
846
Шағын футболдан Қазақстан құрамасы Біріккен Араб әмірлігінің Рас-эль-Хайм қаласында өтіп жатқан әлем чемпионатында финалға шықты, деп хабарлайды El.kz ақпарат агенттігі.
Әлем чемпионатына әуесқой спортшылар қатыса алады.
Жартылай финалда қазақстандық спортшылар Әзербайжанмен шеберлік байқасты.
Кездесу барысында әзербайжандық футболшылар қатарынан 19-минутта Эшгин Тагиев есеп ашты. Одан кейін қазақстандықтар қатарынан үш гол соғып кетті. Бұл голдар Нұрсұлтан Жүсіпов (30-минут), Жәнібек Сейітжан (41), Оралбек Егізбаев (45) еншісіне жазылды.
Ел құрамасы А тобында сынға түсті. Бұл кезеңде Гананы 7:0, Үндістанды 16:0, Біріккен Араб әмірлігін 2:1 есебімен жеңді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Ақтөбеде ауыл тұрғынының 130 жылқысы ұрланған
Келесі жаңалық
ШҚО-да көлік толықтай жанып кетті