Абай облысында жантүршігерлік жол апатынан екі адам мерт болды
Абай облысында жол апатынан екі адам көз жұмды. Оқиға Көкпекті ауданында болған, деп El.kz ақпарат агенттігі.
«102» арнасына белгісіз ер адамнан республикалық маңызы бар “Омск-Майқапшағай” тас жолында жол-көлік оқиғасы орын алып, зардап шеккендер бар екені туралы хабарлама келіп түскен.
Оқи отырыңыз:
- Түркістан облысында үш адамның өмірін жалмаған жол-көлік апаты болды
- Астана-Петропавл тасжолында оннан астам көлік соқтығысты
Алдын ала мәлімет бойынша, “Mazda 626” маркалы автокөлігін басқарған 51 жастағы облыс орталығының тұрғыны басып озу маневрін орындау кезінде қарсы жолаққа шығып кеткен. Содан қарсы бағытта келе жатқан “Mercedes-Benz Sprinter” көлігімен соқтығысқан.
Жүргізуші алған жарақаттарынан оқиға орнында көз жұмды. Түрлі дене жарақаттарымен тағы бір көліктің жолаушылары ауруханаға жеткізілген. Ал «Мазда 626» маркалы автокөлігіндегі 20 жастағы жолаушы ауруханада есін жимастан көз жұмды.
Аталған факті бойынша Қылмыстық кодекстің 345-бабының 3-бөлігі бойынша сотқа дейінгі тергеу басталды. Тиісті сараптамалар тағайындалды, оның қорытындысы бойынша процессуалдық шешім қабылданады деп мәлімдеді облыстық Полиция департаменті.
Қысқа да нұсқа. Жазылыңыз telegram - ға