Ақтауда Ұлы даланың жас көшбасшылары құрбыларына лекция оқыды

Маңғыстау облысы Қазақстан халқы Ассамблеясы ғимаратында Елбасының жариялаған Жастар жылы және Ұлы даланың жеті қыры бағдарламалық мақаласының аясында «Ұлы даланың жас көшбасшылары» тақырыбындағы лекториум өтті.

Аталған лекториумды бағдарламалық мақаласынан туындайтын міндеттерді жүзеге асыру барысында Маңғыстау облысы Қазақстан халқы ассамблеясының жанындағы «Жаңғыру жолы» өңірлік штабы ұйымдастырды.

Лекторийдын жұмысына Маңғыстау облысы әкімнің орынбасары Руслан Сакеев, республикалық жастар қозғалысын «Жаңғыру жолы» өңірлік штабының Республика бойынша төрағасының орынбасары, «Жарасым» жастар ұйымының төрағасы Тимур Джумурбаев, сонымен қатар «Жаңа толқын 100+» жобаларының Start Up конкурсының жеңімпазы, «Равная дорога» жобасының авторы, солтүстік Қазақстан облысы «Қоғамдық келісім» КММ бас жетекші сарапшысы Салимхан Сабитов, «Бекен» жас көшбасшылар достастығының директоры, Маңғыстау облысы әкімі жанындағы жастар ісі кеңесінің мүшесі Мұқаш Бекенұлы, Ақтөбе, Атырау, Орал қалаларынан келген «Жаңғыру жолының» жастары, жас мамандар, кәсіпкерлер, «Жас Отан» мүшелері, жас әскерилер, спортшылар, стартапшылар, студенттер және өңірдіңн этномәдениет өкілдері қатысты.

Лекторийдын мақсаты – жастарды Маңғыстаудың жеті қырымен таныстыра отырып, облыстың киелі тарихи жерлеріне саяхат жасап, рухани сырын ұғындыру, өлкеде жастар туризімінің қалыптасуына өз септігін тигізу.

Бұдан кейін, лекториумға келген конақтар мен қатысушылар Маңғыстаудың биік шоқысы – Отпан тауға аттанды.

Қазақ үшін қастерлі саналатын Қарашаңырақ бой көтерген Отпан тауда жыл сайын Амал мерекесін қарсы алу – жылдан жылға келе жатқан әдемі дәстүр.

Қысқа да нұсқа. Жазылыңыз telegram - ға