Жаңалықтар

84 азаматқа «Болашақ» халықаралық стипендиясы берілді

Ерлан Қарин Шетелде кадрлар даярлау жөніндегі республикалық комиссиясының отырысын өткізді

Фото: Ақорда

Фото: Ақорда 31.08.2022 17:16 1068

Қазақстан Республикасының Мемлекеттік кеңесшісі Ерлан Қариннің төрағалығымен Шетелде кадрлар даярлау жөніндегі республикалық комиссияның кезекті отырысы өтті, деп хабарлайды El.kz Ақордаға сілтеме жасап.

Комиссия шешімімен магистратура, докторантура, резидентура бағдарламасы бойынша 84 азаматқа «Болашақ» халықаралық стипендиясы берілді.

Отырыс барысында Президент Қасым-Жомарт Тоқаевтың «Болашақ» бағдарламасын қайта бағдарлау жөніндегі тапсырмасын орындау мәселесі талқыланды. Инженерлік-техникалық кадрларды даярлауға басты назар аударылды.

Биыл магистратура мен резидентурада оқу үшін 385 стипендия, докторантураға 60 стипендия бөлінді.

Отырыс қорытындысы бойынша Мемлекеттік кеңесші бірқатар нақты тапсырма берді.

Бөлісу: