73 мың мұғалім арнайы оқудан өтеді
Білім және Ғылым министрі Ерлан Сағадиев жұртшылық өкілдерімен есептік кездесуі
27.04.2016 08:16
4906
Қазақстанда 2016 жылдың жазында 73 мың бастауыш сынып мұғалімі арнайы оқу курсынан өтеді
Бұл туралы Білім және Ғылым министрі Ерлан Сағадиев жұртшылық өкілдерімен есептік кездесуінде мәлімдеді.
«Бірінші қыркүйектен бастап 1-ші сынып оқушылары жаңартылған оқу жүйесімен білім алуды бастайды. Білім беру жүйесінің жаңартылуы Қазақстан бойынша барлық мектептерде жүзеге асады. Ал жаз уақытында 73 мың бастауыш сынып мұғалімі арнайы оқудан өтетін болады», - деді министр.
Аталмыш өзгерістер жүйелі түрде іске асатын болады. Жоспар бойынша келесі жылы тағы үш сынып қосылады. Ерлан Сағадиевтің айтуынша жаңа жүйе пәндердің санының азайуына және сапасының артуына алып келеді. Ұстаздардың білімін арттыруға биылдың өзінде 700 маман жұмылдырылатын болады.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Бүгін ҚР Білім және ғылым министрі жұртшылықпен жүздеседі