650-ге жуық адам донер жейміз деп уланды
Түркияның Коджаэли провинциясында 650-ге жуық адам тауық етінен дайындалған донерден уланып қалды, деп хабарлайды El.kz ақпарат агенттігі.
Оқиға 3 сәуір күні Коджаэли қаласының Керфез ауданында болған. Донер жегеннен кейін адамдар жүрек айнуы мен құсу белгілерімен жаппай ауруханаға жүгінген.
Нәтижесінде бірнеше жүздеген адамға медициналық көмек қажет болды. Екі адамның жағдайы ауыр деп бағалануда.
Жалпы саны 648 адам улану белгілерімен ауруханаға жеткізілді. Олардың 646-сы үйлеріне қайтарылды, ал қалған екі науқастың емделуі жалғасуда. Өміріне қауіп төніп тұрған жоқ, – деді жергілікті билік өкілдері.
Оқиғаға байланысты екі адам қамауға алынды. Полиция донер сатылған дүкенді жапты. Ауыл шаруашылығы және орман шаруашылығы департаментінің мамандары өнімнен сынама алып, оның сапа стандарттарына сай еместігін анықтады.
Қысқа да нұсқа. Жазылыңыз telegram - ға