6 лауазымды тұлғаға бизнеске заңсыз араласты деген айып тағылды
![6 лауазымды тұлғаға бизнеске заңсыз араласты деген айып тағылды 6 лауазымды тұлғаға бизнеске заңсыз араласты деген айып тағылды](/storage/storage/element/2024/03/13/mainphoto/93821/1200xauto_Suao6fu0RAVFCi3I578ZbPVvXGyywvL7YebrPFi4.jpg)
Антикор бизнеске заңсыз араласу фактілері бойынша сотқа дейінгі тергеулер жүргізуде, деп хабарлайды El.kz ақпарат агенттігі.
Сыбайлас жемқорлыққа қарсы қызмет жыл басынан бастап кәсіпкерлік субъектілерінің қызметіне заңсыз араласу фактілері бойынша 6 лауазымды тұлғаға қатысты 8 сотқа дейінгі тергеп-тексеруді бастады. Оның ішінде 5 іс сотқа жолданды.
Еске салсақ, 2022 жылы Мемлекет басшысы отандық бизнестің қатысуымен өткен кезекті кеңесте құқық қорғау органдарына бизнесті қорғау саласында бірқатар нақты тапсырмалар берген болатын.
Агенттік бұл тапсырманы 3 негізгі бағыт бойынша іске асырады:
- «Бизнеске жол» жобасы шеңберінде бизнес субъектілеріне құқықтық көмек көрсету;
- кәсіпкерлердің өтініштерін сапалы және уақтылы қарау;
- адал кәсіпкерлерді қылмыстық қудалауға негізсіз тартудан қорғау.
Ол үшін агенттік ішінде сотқа дейінгі тергеп-тексерулерді тіркеудің аумақтық департаменттерінің келісуін және бизнеске қатысты жекелеген тергеу әрекеттерін жүргізуді көздейтін алгоритмді әзірленіпп қолданылуда.
Бұл алгоритмді қолдану кәсіпкерлерді 900-ден астам тергеу әрекетінен қорғады. Бұл кәсіпкерлердің 9 айдан астам жұмыс уақытын үнемдеуге мүмкіндік берді. Бизнесті қорғау жұмыстары жалғасады делінген агенттіктің мәліметінде.
Оқи отырыңыз:
- Түркістан облысындағы жұмыспен қамту орталығында 24 млн ұрланған
- Алматыда басқарма басшысының орынбасары жауапқа тартылды
![Telegram](https://el.kz./static/site/images/tel26.png)