2025 жылдың бірінші күні елімізде 9 егіз дүниеге келді
Жаңа жылдық мерекелер кезінде Алматы көпбейінді клиникалық ауруханасында елеулі оқиға болды, яғни 21 бала дүниеге келді, деп хабарлайды El.kz ақпарат агенттігі.
Бұл қуанышты сәт мерекелік көңіл-күйге себеп болып қана қоймай, күрделі жүктілікті сәтті медициналық сүйемелдеудің үлгісі болды.
Жаңа жылдың бірінші таңында 37 аптада туған егіздердің ата-анасы болған бір отбасына ерекше назар аудару керек. Егіздердің анасында ауыр медициналық диагноздар болды: жатырдағы қос тыртық және созылмалы артериялық гипертензия. Бұл факторлар жүктілік пен босану кезінде қауіпті арттырады, бірақ дәрігерлердің біліктілігі мен денсаулық жағдайын бақылаудың заманауи әдістерінің арқасында ананың да, жаңа туған нәрестелердің де қауіпсіздігін қамтамасыз етуге қол жеткізілді.
Клиниканың медицина қызметкерлері жүктілік кезінде әйелдің жағдайын мұқият қадағалады. Мамандар бар қауіптер мен қиын жағдайларды ескере отырып, босандыруды жүргізудің жеке тәсілін қолданды, бұл сәтті нәтиженің кілті болды, - деп атап өтті АККА перзентханасының директоры Гүлжахан Жұмадуллаева.
Жаңа жылдық мерекелерде дені сау жаңа туған нәрестелердің саны ата-аналарды ғана емес, аурухананың барлық медицина қызметкерлерін шабыттандырады және қуантады. Бұл оқиға барлығына қиындық тудыратын жағдайларда да болуы мүмкін ғажайыптарды еске түсірді. Әрбір жаңа туған нәресте - жарқын болашаққа деген үміт және ата-ананың өміріндегі жаңа кезең, - деп қосты аурухананык директоры Эльмира Берікова.
Жаңа жылда алғашқы егіздер Талғар аудандық ауруханасында дүниеге келді, эстафетаны Жетісу облысы жалғастырды, онда облыстық перинаталдық орталықтың базасында бірден үш егіз дүниеге келді. Ал 2025 жылдың бірінші күні Қазақстанда 9 егіз дүниеге келді.
Қысқа да нұсқа. Жазылыңыз telegram - ға