15,7 млн теңге сыйақы: Антикор WhatsApp чат-ботын іске қосты
Жемқорлық туралы хабарласаңыз, 15,7 млн теңгеге дейін сыйақы аласыз. Осы мақсатта антикор 1424 WhatsApp чат-ботын іске қосты, деп хабарлайды El.kz ақпарат агенттігі.
Енді әрбір азамат жемқорлық фактілері туралы хабарлай алады немесе WhatsApp мессенджері арқылы сыбайлас жемқорлыққа қарсы іс-қимыл мәселелері бойынша кеңес ала алады. Ол үшін 8 777 000 1424 нөміріне хабарлама жіберу жеткілікті.
Сыбайлас жемқорлық құқық бұзушылықтар туралы шынайы ақпарат бергені үшін 15,7 млн теңгеге дейін сыйақы көзделген. Біз өтініштің толық құпиялылығына кепілдік береміз. Барлық хабарламалар міндетті түрде қаралады және құқық бұзушылықтар анықталған жағдайда қолданыстағы заңнамаға сәйкес шаралар қабылданады. Алайда сыбайлас жемқорлық туралы жалған хабарлау қылмыстық жауаптылыққа әкеп соғатынын еске саламыз,-деп атап өтті агенттіктен.
Қысқа да нұсқа. Жазылыңыз telegram - ға