15 жылғы тарих: «Ақтөбе» футбол клубы Қазақстан Кубогын жеңіп алды
Бүгін жанкүйерлер көптен күткен Қазақстан Кубогының финалы өтті. Маусымның басты матчтарының бірінде ел батысының екі командасы, яғни «Ақтөбе» мен «Атырау» кездесті. Ойын Алматыдағы бейтарап стадионда ұйымдастырылды. Айта кетейік, онда соңғы рет мұндай титул 2016 жылы ойнатылған еді, деп хабарлайды El.kz ақпарат агенттігі.
Статистика және сандар
2024 жылғы Қазақстан Кубогының финалдық матчында Алматы орталық стадионында «Атырау» мен «Ақтөбе» кездесіп, тартысты ойында ақтөбеліктер 2:1 есебімен басым түсті,
Алматыдағы алаңға шыққан екі команданың бастапқы құрамдары келесідей болды:
«Атырау»: Хаткевич, Жагоров, Жұмаханов, Керімжанов, Степанов, Наджарян, Новак, Нойка, Стасевич, Сигневич, Каямба.
«Ақтөбе»: Шацкий, Ветэжелу, Қасым, Таңжарықов, Қайыров, Струм, Агбо, Думбия, Жан, Гондола, Ромеро.
Негізігі уақытта аяқталған есеп: «Атырау» - «Ақтөбе» 1:2 (1: 0)
Голдарды соққан: Сигневич 24 (1:0), пенальтиден Қасым 89 (1:1), Гондола 90 (1:2).
«Ақтөбе» клубын жеңісімен құттықтап, сәттілік тілеймін! Бүгін біз финалда алғаш рет батыс дербиіне куә болдық. Қос ұжым да жақсы ойынымен, жеңіске жігерлігімен қуантты. Осындай футбол мерекесін ұйымдастыруға атсалысқан серіктестерге және керемет қолдау көрсеткен жанкүйерлерге алғысымды білдіремін», - деді Qazaqstan Football League президенті Ғани Қайназаров.
Матчқа дейін
Айта кету керек, екі клуб үшін де бұл Кубок ұзақ уақыт бойы бағынбай келді. Финалистердің әрбіреуінде бір-бір жүлдеден бар екенін де еске сала кетейік. Мәселен 2008 жылы «Ақтөбе», ал 2009 жылы «Атырау» осы титулды иеленген еді. Сонымен қатар жеңімпаз келесі маусымда еурокубоктарда ойнауға мүмкіндікке ие болды, бірақ әзірге бұл Еуропа Лигасының әлде Конференция лигасының іріктеу бола ма белгісіз.
«Ақтөбе» биылғы маусымды өте жақсы бастады, бірақ еурокубоктар басталғаннан бері командада барлық шепте мәселелер пайда бола бастады. Алдымен олар бірінші раундта «Сараеводан» өте алмады. Содан кейін командадан белді ойыншалардың бірі Максим Самородов кетті. Көп ұзамай күздің бірінші күні команданың бас бапкері Дмитрий Парфенов та отставкаға жіберілді.
Қазір команданы Игорь Леонов басқарады, ол соңғы сұхбатында финал олар үшін маусымның басты ойыны болатынын хабарлаған еді. Әрине лигадағы үшінші орынға қарамастан, оларда чемпионатта көп мүмкіндік жоқ, ал еурокубоктардағы орын алу үшін талас барынша тартысты болмақ.
Сондықтан да «Ақтөбе» бүгін кем дегенде Конференция лигасына өту мәселесін шешіп, жыл соңын сәл жеңілдете алуды көздеді. Айта кетейік ақтөбеліктер соңғы 6 кездесуде олар «Жетісуды» ғана жеңіп, «Елімай» мен «Тобылдан» жеңіліп қалды. Осы ойындардың қатарында «Атыраумен» де кездесіп үлгерді, бірақ командалар тең түсіп, ұпай бөлісті.
Қостанайда болған соңғы тур көпшілікті таң қалдырды, өйткені ақтөбелік көрермендер көптен бері команданы мұндай әлсіз жағдайда көрмеген еді. дегенмен қатарында Игорь Шацкий, Әлібек Қасым және Леонель Струмия сияқты ойыншылары бар жақсы нәтижеге үмітті еді.
«Атырауға» келетін болсақ, бұл лиганың мықты ортанқол командасы, олар осы финалға жету жолында алматылық «Қайраттан» басып түсті. Чемпионатта команда «Астана», «Елімай» және «Ақтөбе» сияқты көшбасшылармен текетіресіп, аутсайдерлерге қарсы ұпай жинайды.
Команданы үшінші жыл қатарынан Виталий Жуковский басқарып келеді. Оның командасы әдетте өте нәтижелі футбол көрсетпейді, дегенмен мықты ұжым болып қалыптасты. Олар көбінесе үш қорғаушымен шығады, бірақ қорғанысқа сенімді әрекет етеді. Олардың құрамы туралы нақты айтатын болсақ, Александр Нойок пен Николай Сигневичті ерекше атап өтуге болады. Екі футболшы да Жуковский жүйесінде шешуші орынға ие, яғни көп жұмыс допты беларуссиялық форвардқа жеткізіп беруге арналған.
Матч барысы
Ақтөбеліктер ойын басталған сәтте бірден шабуылға көшті, бірақ аса қауіпті жағдай жасай алмады. Дегенмен атыраулықтар өздерінің жалғыз мүмкіндігін сәтті пайдаланды, Николай Сигневич баспен гол соғып кетті.
Сөйтіп жүргенде бірінші тайм да аяқталды, үзіліске «Атырау» командасы кішігірім басымдықпен кетті. Екінші таймда да «Ақтөбе» ойынды белсендірек бастады, жалпы ойын ашық өтіп жатты.
Осыдан кейін ойында 87-минутта даулы жағдай болып, матч төрешісі Егор Хаткевичтің қақпасына пенальти тағайындады. 11 метр жерден мүлт кетпеген Әлібек Қасым есепті теңестіріп кетті. Ал ойынның негізгі уақыты аяқталар сәтті ақтөбелік Фредди Гондола гол соғып кетіп, өз командасына 2:1 есебімен жеңіс әкелді.
Осылайша «Ақтөбе» ел Кубогын жеңіп алып, келесі еурокубок маусымында ел намысын қорғайтын болды.
Бұған дейін «Ақтөбе» 2008 жылы ғана аталмыш кубокты жеңген. Олар жарыс жолында «Жетісу», «Ордабасы», «Елімайды» жарыс жолынан шығарды. Енді осы жеңістің арқасында команда келесі маусымда еурокубоктың іріктеу кезеңіне қатысып, OLIMPBET QFL Қазақстан Суперкубогын сарапқа салады. Кубоктан бөлек, Игорь Леонов шәкірттері 65 миллион теңге иеленсе, «Атырау» 45 миллионов теңге сыйақы алды.
Матчтан кейін
Тартысты өткен кездесуден кейін қос тарап та матчқа қатысты пікір білдірді. Ең басты текетірес ойынның соңғы жағында белігіленген пенальтиге қатысты болды.
«Атырау» шабуылшысы Николай Сигневич төрешінің жұмысына наразы екенін айтты.
Бізге ештеңе болмайды. Біз судьядан тәртіп нақты қай жерде және бұзылды? деп сұрадық. Ол басын төмен түсіріп, ештеңе айта алмады. Қалай ашуланбайсың. Біз видеоны қарап шықтық, ол жерде кәдімгі до үшін талас болды, - дейді Сигневич.
«Ақтөбенің» бас бапкері Игорь Леонов та Қазақстан Кубогы-2024 финалында «Атырау» қақпасына тағайындалған пенальтиге қатысты өз ойын ортаға салды.
Шынымды айтсам, Барачаны шығаруды жоспарламадым. Бірақ матч соңына дейін 10 минут қалғанда қапталдағы футболшылардың үлгермей жатқаны байқалды. Бір нәрсені өзгерту керек болды. Пенальти? Мен дұрыс-бұрыс алмаймын. Мен алаңда не болғанын нақты көрмедім, сондықтан мен ештеңе айта алмаймын. Бұл үшін судьялар бар, олар осындай сәттерді қарап, шешуі керек, - деді Леонов.
Матч тарихы
Айта кету керек, екі клуб үшін де бұл Кубок ұзақ уақыт бойы бағынбай келді. Финалистердің әрбіреуінде бір-бір жүлдеден бар екенін де еске сала кетейік. Мәселен 2008 жылы «Ақтөбе», ал 2009 жылы «Атырау» осы титулды иеленген еді. Сонымен қатар жеңімпаз келесі маусымда еурокубоктарда ойнауға мүмкіндікке ие болды, бірақ әзірге бұл Еуропа Лигасының әлде Конференция лигасының іріктеу бола ма белгісіз.
Осылайша «Ақтөбе» екінші рет Қазақстан Кубогының иегері атанды. Олар кубокты алғаш рет 16 жыл бұрын жеңіп алған болатын. Сол кезде олар алматылық "Алма-Ата" командасын 3:1 есебімен жеңген еді.
Ал Қазақстан Кубогындағы жеңіс саны бойынша рекорд иесі - алматылық "Қайрат" командасы. Олар бұл атақты 9 рет жеңіп алған. Елордалық "Жеңіс" пен "Астана" Кубокты үш рет ел жеңіп алған.
Қазақстан Кубогының барлық иегерлері:
1. "Қайрат" (Алматы) - 9
2-3. "Жеңіс" (Астана) - 3
2-3. "Астана "(Астана) - 3
4-7. "Қайсар "(Қызылорда) — 2
4-7. "Ордабасы" (Шымкент) - 2
4-7. "Тобыл "(Қостанай) - 2
4-7. "Ақтөбе" (Ақтөбе) - 2
8-16. "Достық" (Алматы) — 1
8-16. "Восток" (Өскемен) - 1
8-16. "Елімай "(Семей) — 1
8-16. "Ертіс" (Павлодар) — 1
8-16. "Қайрат" СОФФК (Алматы) — 1
8-16. "Тараз "(Тараз) - 1
8-16. "Алматы "(Алматы) — 1
8-16. "Атырау" (Атырау) — 1
8-16. "Шахтер" (Қарағанды) - 1.
Қысқа да нұсқа. Жазылыңыз telegram - ға